入伙對好多人嚟講都係人生好重要嘅一環，代表著另一個新生活即將要展開，同時亦都係約埋三五知己、親朋戚友一齊歡聚嘅難得時刻。作為被邀請嘅一方，梗係要諗下可以送啲咩比新業主賀一賀佢，以下係好師傅推介嘅一啲入伙禮物。
入伙禮物第一步 - 「筆直」vs「人物關系」
送入伙禮物經常都會令人「?爆頭」，因為又會擔心屋主唔啱用，又怕買咗屋主已經買咗同一樣嘢。所以先還原基本步，就係諗咗「筆直」(Budget)先。以大家都係打工仔身份去計算，入伙禮物如果送比同事，預算大約可以係 HK$300至HK$500 左右；如果係識咗幾年嘅朋友，預算可提升至 HK$500至HK$1,000，而親戚、死黨、閨密呢一類置頂關係嘅話，HK$1,000 以上都好合理。如果想送份大禮但無咁多預算，幾個朋友夾份一齊送都係一個好方法。大家計好「筆直」，就可以開始揀禮物啦！
禮券類產品（好師傅推介 - :$100-$1,000）
如果唔確定戶主喜好，咁就可以考慮送家電或超市禮券。主要有時戶主可能已經買齊哂必需電器，比佢地自行挑選心儀物品，既可以體現贈送者嘅誠意，亦可以滿足個人需求。而大多數香港市民都會選購IKEA、超市、手機應程式Gift Card等，只要喺任何便利店或超市都可以容易買到，價錢亦可以按需要買一張或多張去迎合budget，簡單又方便，亦可以避免「買咗唔啱洗」嘅尷尬場面。
實用型禮品（好師傅推介 - $900-$2,000）
實用生活用品係一個比較多元化嘅選擇。家居生活少不了廚房用具、家電等，甚至是係毛巾或者儲物箱都可以。時下好多家庭都會有一部氣炸鍋，就好似可以用應用程式隨時隨地遙距監測烹調過程嘅PHILIPS智能健康空氣炸鍋XXL，又或者VIVANT紅酒櫃，價錢都係$1,000內，實用之餘，亦都係新居好幫手。
如果有多少少 Budget，可以諗下疫情之後好多人買嘅DOUBLE CLEAN多用途乾濕清潔機，或者PHILIPS SpeedPro LED無線吸塵機，今時今日對好多家庭嚟講都係必需品。
個性化裝飾品（好師傅推介 - $1,000-$3,500）
個性化裝飾品有時可以更突出居住者嘅品味，當然大前題係贈送者要好了解住戶嘅喜好，例如鍾意嘅卡通人物、手辦模型等。雖然未必好實用，但就可以為新居增添多一分美感。
而家有唔少屋企都會刻意安裝一個裝飾櫃擺放屋主自己嘅珍藏玩具，為主人家搵到一套特別而唔貴嘅收藏品，更可增加雙方之間嘅友情。價錢方面亦都豐儉由人，如果贈送者都係收藏家，更可能會搵到一啲又平又罕嘅珍藏，剩係搵返嚟呢份心思都唔止於價錢牌上嘅價值。
電子產品（好師傅推介 - $1,300-$3,400）
家居電子產品每個家庭都會有，如果戶主對呢一方面本身唔太熟悉，但都有購買經驗，買一件性價比高嘅電子產品都係一個唔錯嘅入伙禮物選擇。現時比較多款色嘅有藍牙喇叭、智能燈光系統等，就好似有唔同價位，又有唔同大細嘅Marshall藍牙喇叭，唔單止可以提升生活品質，亦都係屋企一件好有品味嘅裝飾品。
如果戶主鍾意打機，買部遊戲機都係一個唔錯嘅選擇。尤其本身炒到飛起嘅Switch而家$2,000都唔洗，而今年已經返哂大貨嘅PS5都係$3,400左右，同幾個朋友夾份送，再買多幾個controller，一齊開嚟打場FIFA都咪話唔過癮。
高預算禮品（好師傅推介 - $8,200-$19,000）
如果預算允許，同時亦都係一個認識多年嘅「死黨」或者「閏密」，不妨選擇一啲高端家電禮品，例如頂級咖啡機、空氣清新機或電飯煲。呢類禮物除咗外觀出眾，功能亦非常強大，有品味之餘，仲顧及到戶主健康或日常生活需要。不過大前題係戶主無同樣功能嘅旌產品先好買，如果唔係就會好尷尬。
就好似De'Longhi全自動即磨咖啡機，夠哂得體，直頭係一件藝術品。另外，Dyson Purifier甲醛空氣清新機捕捉除咗可以消滅甲醛，仲可以殺滅細菌、病毒、致敏原及99.95% 超細微粒，加上金藍色配搭，實用得嚟又美觀。仲有具有「舞動沸騰」技術嘅Panasonic IH磁應蒸氣西施電飯煲，令戶主兼好友更享受食飯嘅樂趣。
-----------------------------------------------------------------------------------------------------
裝修報價單點樣睇？
裝修工程有咩要注意？
中間又牽涉幾多額外開支？
怎樣更可保障工程及品質？太多事項確實令人頭痛！
好師傅特別開設裝修預備班給準裝修戶主，希望透過分享裝修注意事項、專家經歷心得，幫助大家實現理想 Dream House。
活動詳情: https://codeco.hk/zh-tw/p/codeco_renovation_workshop/
* 費用：$100（每位付費出席者可獲贈高達$100 超市現金券）
* 贈品：高達$3000 裝修優惠及物料百貨優惠券（只限出席者）
