陳師傅 | 要減少翻手機率 有時係會長氣啲
專訪好師傅 | 寧願溝通多啲 就算客人嫌煩都要傾
筆者記得有段時間蝸居馬鞍山，單位被鄰近高樓遮擋，只能望着馬鐵路軌，景觀乏善可陳。
沒想到這天相約陳師傅做訪問重回舊地，所到屋苑在區內一柱擎天，從單位落地玻璃窗望出去，吐露港無敵海景一覽無遺。
這種意想不到的反差，相信陳師傅定必體會，假若當日沒有轉行做住家裝修，今日又怎會負責裝修這等豪宅？
由專科開始 任何「電」都難不到我
陳師傅入行很早，17歲輟學參加學徒計劃後，經朋友介紹入行，專科做電，最初由大樓開始做起，鋪線拉線放喉做槽樣樣做齊，在這範疇浸淫十餘年，基本上任何有關「電」的都難不到他。後來做判頭，都是接電的來做，跟住家裝修好像大纜扯唔埋。
萬事起頭難 最初仲揣摩緊個報價 一翻手就會輸
然而，陳師傅天生好學，習慣在休息時間偷望其他師傅，慢慢見識到這行是如何運作。
「以前細個乜都想學，條友揸住個灰匙批吓批吓，好似好好玩喎。但到你批嗰時，原來都唔係咁簡單。」直至約莫七八年前，陳師傅屋企要做裝修，便膽粗粗自己來做。
「全部需要自己一手一腳籌劃，電自己做番，泥水、油漆唔係專科，咪搵同學仔幫手。搞完之後，覺得幾好玩喎，咪試下自己接嚟做。」
萬事起頭難，陳師傅最初接的頭幾單工程，都是試水溫性質，平手離場當贏，他說：「最初仲喺度揣摩緊個報價，一翻手基本上就會輸。做耐咗賺到經驗，開始攞到個平衡。」
交收當晚 客人請我哋一齊開party唱K！
賺到錢固然開心，但贏到客人讚賞，更是錦上添花。陳師傅最難忘有單工程，施工到大約三分之一，客人突然跟他說想提前三星期完工！
面對客人突如其來的要求，陳師傅一時間不知所措，心裏盤算，假若一切順利，提前起貨的機會還是有的。
「如果真係冇翻手情況下，都啱啱好嘅。咁我話盡量啦，因為都唔想令個客失望。」
但工程實在有太多未知之數，有些亦很難控制，譬如國內訂製的傢俬，只要運輸稍有延誤，便會出現甩轆情況。
猶幸一切順風順水，最終趕及在交貨日完工，陳師傅說：「好記得交收當晚，客人直情買咗好多嘢食開party，仲即埸唱K！最後同客人friend埋，成件事係好開心。」
這樣趕工，陳師傅都有擔心會有瑕疵或甩漏，後來客人匯報單位完全沒問題，才令他放心。這工程除了為陳師傅贏到聲譽，最重要是賺到個朋友。
就算客人嫌煩都要傾
說到翻手，陳師傅聽見怕怕，皆因以往中過不少伏，當然會時刻提醒自己。
至於如何減少翻手機率，就是事前跟客人多些溝通，理解他們的想法，而不是貿貿然趕工出貨。
「有時大家諗法未必一致，所以寧願溝通多啲，冇辦法，就算客人嫌煩都要傾。」
先聆聽、視察、消化 再給意見
陳師傅深明溝通的重要，所以每單工程之前，都會先聆聽客人需求，專心消化，再到現場視察環境，然後給予適當意見，「譬如電掣，有啲客覺得唔需要，但我哋會提佢，可能餐枱下面加咗，到時打邊爐唔需要攞拖板喎；或者走廊咁長，會唔會中間會加個插蘇，第時可以吸塵呢？」
有時長氣啲 因為想件事好 唔想翻手
性格樂天隨和，凡事都不太計較，令陳師傅得以勝任領航員角色，能在老一輩師傅和後生仔中間排解糾紛，一起為共同目標進發。
不過他自問有時太「囉嗦」，間中會被員工誤會，以為他質疑員工能力。
「有時長氣啲啦，講完之後臨走都會同師傅講多次，因為我想件事好，唔想翻手。不過都係時候學習放手，畀佢哋試吓。」陳師傅說。
手工嘢AI難取代 積極裝備自己 學習新事物
提到裝修這行業前景，陳師傅認為隨着科技發展，物料和玩法也越來越多，「AI（人工智能）可以幫到你繪圖、或者度尺寸，可能令件事快啲，但我相信好難取代到人手，尤其手工嘢係冇得取代。」正因裝修變得複雜，陳師傅認為更應該積極裝備自己，學習多些新事物，到時向客人present，都會更有說服力。
裝修如何保障自己? 從揀師傅開始
好師傅為你嚴選最可信賴的好師傅。
師傅審查制度為你從源頭把關，每位加盟師傅均要通過29項考核和審查。每年只有7%師傅或設計師，能通過審查成功加盟，因為我們堅持為你嚴選，至可信賴的好師傅。
好師傅為你配對師傅的同時，持續監察師傅的手工質素和背景狀況。除此之外，師傅提供的報價和收費等細節，亦是考慮師傅是否可以信賴的重要一環。
無限次配對機制，讓你揀到啱心水至開工。經審核而成功加盟的裝修師傅／裝修公司／設計公司超過150家，如配對未完全合乎要求，歡迎你配對到啱為止！
「師傅配對及審查制度」只是好師傅「5大保障制度」之一，好師傅的「100%完工保證」，從師傅、價格、 品質、準時及戶主支援等5大保障制度，全方位保障你整個裝修流程，保證你準時入伙。
