潘師傅│總之乜都做 再污糟都要做
專訪好師傅│ 我今日嘅經驗 全部都係踩屎踩返嚟
筆者多年來有個習慣，每做完人訪，例必找受訪者合照留念。這次訪問完潘師傅，將合照傳給夫人炫耀時，竟換來劈頭一句：「羅莽嚟嘅喂！」仔細看，哈，笑容又確實有幾分似。
乜都做 再污糟都要做
花名「阿Four」的潘師傅，體格亦有如羅莽般「科」，未知是否「食過夜粥」，怎看也不似48歲。
不過潘師傅中三輟學後，沒有跑去做武打明星，而是到建造業訓練局修讀油漆。
之後跟隨做油漆的父親學藝，由最基本的擔擔抬抬做起，幫師傅買物料、買煙、買馬，都是每天的例行公事。潘師傅說：
「總之乜都做，全部親身去試去經歷，再污糟再厭惡嘅你都要做。」
我們都是這樣捱出來
70後的香港人，許多都是這樣捱出來，潘師傅沒有例外。他不單沒有得到父親的特別關顧，反而常被他破口大罵。
「佢睇住我畀人鬧，仲鬧埋一份！不過嗰個年代師傅係用鬧去溝通。」
常說百罵成材，潘師傅18歲已夠膽收師傅價，20歲更開始做油漆判頭，自此跟父親分道揚鑣。那年頭經濟發達，他不愁沒工開，行轉旺角，一叠正版CD掃回家也面不改容。
經濟不景 反成就大學之路
誰知過了千禧年，遇上經濟不景，潘師傅的工作量大幅減少，一年間最多只得兩個月有工開，始意識到自己不足。「當市場萎縮，汰弱留強，就知我嘅年資同實力都唔夠。」
03年沙士來襲，香港經濟陷入低谷，反而成為潘師傅重生的契機。那年他經朋友介紹，到城市大學做維修，由油漆老本行做起，後來得老闆嘗識，嘗試學做管工，慢慢學會了管理及處理人際關係，成為人生轉捩點。
「老一輩師傅會睇你唔起，覺得你冇料。」
在城大日子裏，潘師傅的技藝學得最多，油漆、泥水、鬥木、水喉、電燈、修橋、鋪路、防水、燒焊，全部接觸過。與此同時，他又到建造業議會讀了一年土木工程課程，以彌補知識上不足。
當然，努力向上要付出代價，這段日子承受的壓力也是一生人中最大：「公司人事比較複雜。有競爭啦，有小圈子，有時又會畀人玩。同埋老一輩師傅會睇你唔起，覺得你冇料。」
最終潘師傅用了半年時間，以成績去贏取老師傅的信任和尊重，後來更獲對方分享更多油漆以外的工程技巧。
係壓力令到我開竅 但原來開公司係另個世界
「係壓力令到我開竅，開始識得點樣響呢一行裏邊生存。」
潘師傅在城大浸了3年，自覺有手藝，識管人，又讀過書，便心雄開裝修公司，哪會想到公司成立三年便執笠收場？潘師傅說：
「原來開公司係另一樣嘢。冇人做，你可以落手做，但冇客源，咁點處理呢？接咗生意返嚟，又點同客人溝通呢？客人拖數又點呢？」
經歷生意失敗，輾轉間潘師傅又到了一間上市公司做管工，憑實力、經驗及交際手腕，一年便晉升為工程經理，要負責跟圖、出報價單、見判頭及實地考察，又吸取到另一種經驗。
潘師傅甚得公司器重，除獲安排到內地跟工程，又飛過上海、北京跟當地判頭簽合同，若肯安守本份，輕鬆做到退休肯定冇難度。
然而，潘師傅做生意團火從未熄滅。2010年，他放棄了高薪厚職，決定東山再起開公司，今次終於做到成績，到今日已經完全上軌道。潘師傅說：
「我自己唔甘心簡單，到呢刻都係，我會不停進步，不停試新嘢。我今日有咁多經驗，全部都係踩屎踩返嚟！」
你屋企攪唔掂，又點處理工作上嘅嘢？
潘師傅愛冒險挑戰，惟個性太急躁，一想到就要做，令身邊的人很大壓力。
「有時我傳訊息問師傅嘢，真係會睇住部手機，睇下佢回覆未。如果見佢冇打字，我就直接打電話，唔聽打到聽為止。」
幸好自從他做了爸爸後，火氣收了不少，連步伐也放緩了。雖然至今仍是對工作狂熱，但家庭與工作之間，潘師傅多數選擇前者：
「你屋企攪唔掂，又點處理工作上嘅嘢？」
就如最近一單工程，潘師傅跟客人約實了時間，怎料撞正女兒在學校攞獎的頒獎禮。
他不想錯過女兒的重要時刻，便膽粗粗傳短訊給客人再改時間，甚至將女兒攞獎的詳情一併傳送，他說：「不如我老實講啦，因為講大話會好辛苦。」
客人見他坦誠相對，願意作出配合，令潘師傅非常感動：
「呢件事我係堅感動，令我之後更搏命。你努力幫客人做嘢，其實對方會知㗎。客人後尾仲送咗支酒俾我！」
贏得尊重 警愓自己要做好本份
能令客人開心，自己又贏得尊重，是潘師傅現時的目標。尤當見到裝修這行業，因少部份的害群之馬，而常被外界標籤為「黑心裝修」，他更加警愓自己要做好本份。
潘師傅將於本月23日出席裝修預備班，屆時將分享更多他的裝修經歷。
裝修如何保障自己? 從揀師傅開始
潘師傅親臨解答裝修疑難
好師傅裝修預備班活動詳情：
- 日期： 9月23日（六）
- 時間：10:30am - 1:30pm
- 地點： 好師傅工作室 - 筲箕灣耀興道3號東匯廣場12樓
(近筲箕灣A2出口)
- 費用： $100 （每位出席者可獲贈 $100 超市現金券）
- 贈品：高達 $3000 裝修優惠及物料百貨優惠券（只限出席者）
- 嘉賓講者：潘師傅
- 名額只限40名，先到先得。
- 報名截止日期：9月20日
按此立即報名
