盧師傅│其實我唔係好識拒絕人

 

盧師傅│其實我唔係好識拒絕人


專訪好師傅│ 濕碎嘢唔同客計  最緊要客人開心    

挨年近晚,許多裝修師傅已經收爐了。記得筆者相約盧師傅做訪問之時,委實難以開口,誰料盧師傅沒半點推搪便爽快答應,剛巧他在元朗有個村屋單位埋尾,二話不說邀筆者前來,還擔心筆者和攝影師不懂入村,三番四次提出駕車接載方案,回想起來也有點不好意思。

 

抵得諗個性  成就無限際遇

盧師傅就是這種暖心的人,或者不太懂得巧言令色,性格亦有點慢熱和怕醜,但他的每寸舉動,總會讓人感到窩心和放心。原來,盧師傅亦應承為好師傅出席講座(好師傅裝修預備班 │ 2月18日│現已接受報名,無私分享裝修經驗,詢問其因由,他竟笑說:「其實我唔係好識拒絕人!」 

 

 

盧師傅作品:將軍澳 | 天晉

 

其實我唔係好識拒絕人!

 

盧師傅這種「抵得諗」性格,是從小訓練出來。雖然盧師傅樣貌後生,但其實已入行超過25年。15歲輟學後,曾到工業學院修讀水電、機械課程,但自覺始終不是讀書材料,便跟朋友做工程賺錢:「記得嗰陣時要簽學徒合約,唔係唔俾你入裝修地盤!」盧師傅最初接觸的是修理冷氣,輾轉間做過地盤,今日的TVB電視城,佢有份起架,威呢!「嗰陣時跟老細去做開荒牛,日日搭個幾鐘車入環保大道。」

 

經歷日灑雨淋的日子三年,甚麼辛苦也捱過了,加上性格內歛,慢慢練就出「抵得諗」個性。然而,做地盤始終太辛苦,電視城落成後,盧師傅決定轉行,又因其對水電有一定認識,順理成章跟朋友轉做水電,展開裝修生涯。

 

盧師傅作品:柴灣 | 蝶翠苑

 

穩打穩扎  累積信譽

 

任何職業都講求際遇,做裝修亦然。個性隨和的盧師傅,自言算是幸運兒,在職場上屢遇貴人相助,亦有幸參與大型項目,如頭幾年做學師時,便獲分派去興建別墅,在這裏吸收到最多經驗。「以前做別墅真係一大班人,有時自己做完,見到啲師傅做緊,咪過去偷師囉。好多師傅都肯教。」做別墅還有樣好,因建築面積龐大及複雜,單是設計師的水電圖便一大疊,只要能通過試煉,日後做水電可謂毫無難度。「以前真係逐張咪逐張睇逐張對。做過別墅,今日做番呢啲住家仔就好簡單。住家仔永遠得一個電箱,都係手板眼見工夫。」

 

盧師傅作品:元朗 | 蝶翠峰

 

做過別墅,今日做番呢啲住家仔就好簡單。

 

盧師傅在水電工程範疇浸了幾年,自覺有足夠實戰經驗,其間又考齊註冊電業承辦商的所需牌照,便決定夥拍在做別墅時同撈同煲的木工師傅,開間細公司接生意,踏出成功第一步。起初只接水電來做,實行「做嗰行熟嗰行」,穩打穩扎了幾年,累積到一定信譽才慢慢轉型,現在還兼顧木工和傢俬,辮數越來越多。

 

 

盧師傅作品:美孚 | 荔灣花園

 

記得個工程好急好趕,木工師傅又出唔到圖,不如自己接,畫埋圖再膽粗粗返大陸廠傾。發覺原來我仲做得快過佢、靚過佢!

 

說到轉型做傢俬的來龍去脈,沉厚寡言的盧師傅也不禁眉飛色舞起來,原來他是無師自通!話說幾年前他有單工程,其一直合作開的木工師傅,遲遲也未能製作到傢俬圖,眼見距離死線越來越近,盧師傅於是把心一橫,拿起紙筆間尺,自己動手畫起來,居然也似模似樣。「記得個工程好急好趕,木工師傅又出唔到圖畀我,不如自己接啦,自己畫埋圖,再膽粗粗返大陸啲廠度傾。發覺原來我仲做得快過佢、靚過佢!」日子有功,今日盧師傅做傢俬已得心應手,就算再複雜的多功能櫃也難不到他。「試過有個單位,基本上個個都係多功能櫃,因為佢用櫃去間房,一組組櫃脈脈相連,所以啲尺寸要度到好準。」

 

想要見到客人開心  才是真正好師傅  

 

閒談間,筆者留意到盧師傅的工作模式,跟許多裝修師傅有點不同。大部份裝修師傅都會「以量取勝」,同時間處理多個單位。盧師傅則自嘲是「量產型」,但不是量多,而是限量,一年最多只接十多個工程。「我哋由見客、報價、出圖、出傢俬圖、裝傢俬,全部自己落手落腳做,唔係掉晒畀人。」正因如此,客人每有疑問,盧師傅都能第一時間解答。「因為有好多細微嘢,你要由頭跟到尾,先知道啲翹畸位,先知點樣做修口,先知點樣解決問題。我鍾意交足貨畀客人,咁先對得住人。你掉晒俾人做,自己望到都過唔到自己,又點樣交俾客呢?」

 

將軍澳 | 日出康城

 

我鍾意交足貨畀客人,你掉晒俾人做,自己望到都過唔到自己,又點樣交俾客呢?

 

從盧師傅身上,你會看到「責任感」三個字,也解釋到為何他的回頭客眾多,不少工程也是由熟客介紹。不過,責任感太強也難免令他偶爾會被客人「欺負」,令自己蝕底。「好多濕碎嘢好似收口螺絲都唔會點同客計,最緊要見到客人開心。」

 

看完文章的你,又會否成為下位欺負盧師傅的客人呢?

 

 

裝修如何保障自己? 從揀師傅開始

盧師傅親臨解答裝修疑難

好師傅裝修預備班 │ 2月18日│現已接受報名

好師傅裝修預備班活動詳情: 

  • 日期: 2023年2月18日(星期六)
  • 時間:上午10 時30分 至 下午1時 30分
  • 地點: 好師傅工作室 - 筲箕灣耀興道3號東匯廣場12樓 (近筲箕灣A2出口)
  • 費用: $100 (每位出席者可獲贈 $100 超市現金券)
  • 贈品:$1000 CoCoMall 現金禮券以及神秘優惠(只限出席者)
  • 嘉賓講者: 盧師傅
  • 講題內容:【你問師傅答】
  •  
  • 名額只限40名,先到先得。
  • 報名截止日期:2023年2月15日
    按此立即報名



想搵盧師傅裝修

在以下表格,簡單輸入聯絡資料和裝修要求,裝修顧問即會聯絡你。記得話我哋知你想搵盧師傅: 

立即尋找適合你的師傅或設計師

名稱
電話
* 你的專屬裝修顧問會先以WhatsApp聯絡,再安排時間致電傾談。
返回媒體庫

更多相關文章

陳師傅│做工程唔可能靠吹水 係有就有冇就冇

 陳師傅│做工程唔可能靠吹水  係有就有冇就冇 「唔好叫師傅,叫阿賢得啦。」 專訪好師傅 | 裝修是要 "Make a Friend" 印象中,極少裝修師傅自我介紹時不叫自己做「師傅」。 這天受訪的陳桂賢師傅,見面時劈頭第一句便說:「唔好叫師傅,叫阿賢得啦。」筆者心裏暗忖,難道找錯了訪問對象? 目測阿賢三十出頭,臉上時刻掛着親和微笑,說話時謙謙有禮,連半句粗口助語詞也沒用上,倒令筆者有點不慣。比起「…

【做好師傅】龍師傅的中庸之道

「做到問心無愧就可以了。」我們選擇的職業或多或少都與我們的性格吻合,裝修的一板一眼、泡茶的一杯一壺,猶如簡單踏實的人生。從事裝修逾二十年的龍國強師傅,閒時喜歡習茶,經歷過人生的高低起伏,沉澱出謙卑中庸的人生哲理,讓我們一同細聽他的苦與甘。

鄧師傅│點解我哋咁多回頭客?

  鄧師傅│點解我哋咁多回頭客? 裝修唔係容易嘅事。點解坊間有咁多拗撬?你點樣同客人溝通,你點樣處理問題,都係關鍵。點解我哋咁多回頭客?因為個客會感覺到你嘅做事方式,有幾認真對待成件事。 專訪好師傅 | 客人會感覺到你有幾認真對待成件事 年年DSE放榜,總會聽到上流名人千篇一律的勉勵說話,甚麼「求學不是求分數」、「讀書不是唯一出路」,例牌得令人呵欠連連。 這天訪問的鄧師傅,正是「讀唔成書」的人辦,卻憑後天努力…

【做好師傅】曾瀕臨破產 潘師傅:有些事要貼在地上才會知

「有些事要試過貼在地上才會知。」潘師傅已從事裝修行業超過二十幾年,經驗豐富、有一個美滿家庭嘅佢曽經每日只有100元可用,交通費、食飯錢,物價通脹,接近破產的日子潘師傅都捱過。見到總係滿面笑容嘅潘師傅,又點會估到佢曽經經歷嘅事,雖然苦盡甘來,但有時潘師傅都會因為客人的不尊重而失望,能夠遇上懂得互相尊重、信任嘅客人,已經可以令師傅好開心。究竟潘師傅點入行、當中有咩趣事,辛酸史就去片啦!

潘師傅│總之乜都做  再污糟都要做

潘師傅│總之乜都做  再污糟都要做專訪好師傅│ 我今日嘅經驗  全部都係踩屎踩返嚟    筆者多年來有個習慣,每做完人訪,例必找受訪者合照留念。這次訪問完潘師傅,將合照傳給夫人炫耀時,竟換來劈頭一句:「羅莽嚟嘅喂!」仔細看,哈,笑容又確實有幾分似。乜都做  再污糟都要做花名「阿Four」的潘師傅,體格亦有如羅莽般「科」,未知是否「食過夜粥」,怎看也不似48歲。 不過潘師傅中三輟學後,沒有跑…

裝修遇上彎磚 客人師傅要打過?

在裝修行內,客人與師傅的爭執不時發生,不過像Jackie與鄧師傅般相敬如賓的例子也有不少。從事教育和培訓工作的Jackie是我們的客人,她今年將住了36年、滿載回憶的舊屋裝修大翻新,並透過好師傅認識了鄧師傅,很快便開始了工程。工程期間,Jackie遇上彎磚問題,又因為工作關係,常常很晚才能與師傅通話,在有很多訂造傢俬的情況下,雙方有不少溝通要做。完工後再重聚,Jackie與鄧師傅互相給對方100分。究竟客人師傅的相處之道是什麼?或者大家都能從他們的互動學到一兩件事。

四招揀裝修好師傅

四招揀裝修好師傅一般人要裝修家居,有兩大途徑:找室內設計師或裝修師傅。香港的設計師多提供「Design and Build」模式的一條龍服務,好處是戶主不用煩。不過,由於他們的收費平均比師傅貴三成,最高性價比的方法還是直接找個好師傅裝修。1. 有自己班底不論你的師傅是親友介紹、透過網上平台配對還是在街舖看到,首先要知他是否一個有自己「班底」的裝修判頭,即在水電、泥水、油漆等各科都有長期合作的施工團隊。這樣會對施工質素有較大保證。相比之下,一些屋邨水電檔,或者沒有判頭經…

為獨居長者安裝實心防火木門及機械門鎖|好人好事好師傅|附上3個長者友善家居細節

 好師傅義工隊這次來到獨居的76歲李婆婆(化名)家,為她裝修單位。李婆婆患有腦退化症及幻覺、妄想等。她一年多前按平安鐘後,消防破門入屋,導致大門損毀。由於李婆婆經濟狀況拮据,無法負擔維修費用,因此大門已無遮無掩逾一年,對獨居長者而言非常危險。得悉事件緣由後,好師傅義工隊立即採取行動!充滿愛心的好師傅義工常客鄧師傅和榮師傅馬上答應為李婆婆安裝大門,香港頂級木門品牌泰華木業有限公司亦送出實心防火木門連Yale機械門鎖一套。是次服務不但有經驗豐富的師傅協助,亦有優…

林師傅│出面好多裝修場亂晒龍,點解?冇好好管理嘛

 林師傅│出面好多裝修場亂晒龍,點解?冇好好管理嘛專訪好師傅│快人快語的羊咩鬚師傅林師傅(超哥)給筆者第一個印象,就是豪爽、快人快語。相約對方做訪問,只需簡單表明來歷,林師傅便爽快答應,沒半點忸怩。訪問地點在長沙灣一私人屋苑,單位已接近埋尾,林師傅細心檢查每個細節位,確保埋門一腳也要完美無瑕。  脫口罩影相時,才得悉林師傅留有一把鬍子,他笑說這是多年標記,讓人一眼便認得出他。筆者倒覺得這有點兒多此一舉,反正 「老實」兩字早刻在他的臉上。入…

龍師傅│做事要認真盡責 唔好怕蝕底

 龍師傅│做事要認真盡責 唔好怕蝕底    專訪好師傅│ 近20年的客戶信任 是這樣鍊成   還以為稍有資歷的裝修師傅,總有個霸氣名字跟身。這天約了龍國強師傅,在路上一直猶豫應稱他「龍爺」還是「強哥」。怎料見面後還未及開口,龍師傅先自我介紹:「叫我強仔得啦!」順手把手中綠茶遞過來,恭敬得令遲到近半小時的筆者有點不好意思。「強仔」個子不高,臉上總掛着待客式微笑,看得出是久經磨練出來…

岑師傅│視每單工程都是「代表作」

岑師傅│視每單工程都是「代表作」 專訪好師傅│ 工程師背景  工程更順暢這次訪問岑師傅,時間有點倉促,碰巧他手上幾個單位又剛動工,正愁沒合適地方做訪問。直至一星期前,岑師傅以短訊告知,稱有客人願意借出入伙單位作拍攝,才促成美事。 這年頭,能跟客人建立如此互信關係,大抵岑師傅必有過人之處。 見其人後,不出筆者所料,岑師傅個性隨和,時刻掛着親和微笑,極易相處。 「我本身脾氣唔係特別好㗎!以前我會企硬同裝修師傅嘈,始終做生意…

設計師Alex│住家係以人為本 改造空間令家庭和睦

設計師Alex│住家係以人為本  改造空間令家庭和睦專訪好師傅│ 我哋宗旨係信心同承諾「最好嘅朋友未必係最好嘅生意伙伴。但最好嘅生意伙伴,一定係最好嘅朋友。」 這是設計師Alex常掛口邊的名言,這天約他訪問,其戰友麥師傅(Kyle)如影隨形,兩人擺甫士時盡見默契,已成家的Alex笑問為何拍照會變成基情四射。 最好的朋友或會因金錢反目,但Alex與Kyle的相識,本來就是建基於金錢。這要從十多年前他們的相識經過說起。 圖片由受訪者…

Bobby師傅│隨行有本「裝修天書」開工前同你「高呼」

  Bobby師傅│隨行有本「裝修天書」開工前同你「高呼」 「如果細個肯讀書,出來做社工、做醫生,或者對社會貢獻更大吧!」 專訪好師傅 | 我有個使命感  呢個意義比賺錢更大 面前的黃師傅(Bobby),一副老成持重樣子,長相遠比真實年齡成熟,自言天生勞碌命,畢竟在社會打滾接近30年,甚麼風浪都見過,臉上有點歲月痕跡自是理所當然。 當年做油漆主管  已搵到六、七萬一個月 讀書不成…

裝修優惠