設計師Alex│住家係以人為本  改造空間令家庭和睦

專訪好師傅│ 我哋宗旨係信心同承諾

「最好嘅朋友未必係最好嘅生意伙伴。但最好嘅生意伙伴，一定係最好嘅朋友。」

這是設計師Alex常掛口邊的名言，這天約他訪問，其戰友麥師傅（Kyle）如影隨形，兩人擺甫士時盡見默契，已成家的Alex笑問為何拍照會變成基情四射。

最好的朋友或會因金錢反目，但Alex與Kyle的相識，本來就是建基於金錢。這要從十多年前他們的相識經過說起。

生於木工世家  後來索性進修室內設計

Alex生於木工世家，自小對木工有濃厚興趣，但從未接觸過三行。Kyle做過裝天花，但都只是很短時間。兩人本屬不同圈子的人，卻在一間紅酒公司相遇。Kyle當日見工，正是主管Alex負責面試。Alex說：「係我請佢，跟住一路partner做，我諗應該都14、15年前。」當年在紅酒公司合作無間，有錢齊齊搵日子相當吃得開，閒閒地月入十多萬元，有誰會想到，今天Alex竟成為室內設計公司的老闆？

我由細到大都鍾意室內設計，好彩有少少遺傳啦，我望住啲木工師傅做一次，我已經識做。

「舊公司制度改變，而我係唔屈服於制度嘅人，所以要跳出嚟。同埋做sales始終都有一個年期。」當年Alex還未想到做裝修，卻跟隨做釘板的父親落地盤開工，經歷過一段日曬雨淋的艱苦歲月。直至一天他想通了，不可能這樣過一世，決定由「室外」跳入「室內」，膽粗粗開裝修公司，主力接木工訂單來做。「我由細到大都鍾意室內設計，好彩有少少遺傳啦，我望住啲木工師傅做一次，我已經識做。」

創業由零開始，甚麼都要由頭學起，由自己買木板做櫃，到學習用電腦繪圖，後來索性進修室內設計。「嗰陣時喺Starbucks、麥當勞見客，見完之後自己學畫傢俬圖，慢慢開始有回頭客，開始多嘢做。大約四年前開第一間實體workshop。」Alex說。

呢啲就叫真金不怕洪爐火！

談到得意作品，Alex即時想起有兩單工程，都是「考牌」之作。其中一個700呎低層住宅單位，全間屋水電泥水瓷磚傢俬全拆重建，僅花了40天時間。「每一日我都棟落去，要落手執好個場。因為四圍都係泥頭，我個工作就不停清空跑道，跟住又要安撫班師傅，買茶俾佢哋飲。」能準時起貨還是其次，工程絕不馬虎才最抵讚。該業主入伙不足一星期，大廈一樓全層水浸，業主正愁傢私應該全部報銷之際，到最後一件也沒有破損。Alex得意的說： 「呢啲就叫真金不怕洪爐火！」

另一單則是一間商場餐廳，舖頭面積有四千多呎，前身因為是莎莎，故沒有來水、去水和消防裝置。「水喉都冇條你點去做餐廳？由零到變有，又要申請好多牌照，成件事淨係用咗兩個月時間！」

一個進取  一個保守  一凹一凸  互補長短

Alex性格進取，為達到目標會一直向前衝，面前荊棘滿途卻不自知。「有時中間會盲咗，睇唔到嘢，所以側邊要有一個人拉住我。」而他從未忘記仍在紅酒公司打滾的戰友Kyle，為拉攏對方加盟，更不惜「 三顧草廬」。

「可能我性格比較保守，佢頭一兩次嗌我過去，我係拒絕嘅。到第三次其實都有掙扎，但自己都覺得舊公司，冇乜再有爆發或再上嘅機遇。咁啱我又讀完工商管理，咪試吓可唔可以學以致用。」Kyle說。

Alex和Kyle性格各走極端，一個進取，一保守，卻剛好一凹一凸，互補長短。個唯一共通的，是大家均對「金錢」看得很輕，絕不會因財失義。Alex說：「佢一入公司，我就將公司傾盤話晒畀佢聽，間公司運作係點，會有啲咩問題同難關，我想公司將來點，要點發展等等。」兩人分工清晰，主攻的Alex負責對外見客「拋頭露面」，防守的Kyle負責marketing和出謀獻策，加入好師傅平台，也是Kyle精心部署的一步棋。

礙於性格差異，意見分歧時有發生，Kyle太懂Alex性格，從不正面衝突：「只要喺適當時候搵適當地方同佢講適當說話，佢係會聽嘅，因為我哋都係想件事好，大家和氣生財。」不過Alex還是沒有聆聽Kyle的勸阻，早年在疫情最嚴峻的時候擴充office，將之打造成仿似party room的工作室，並將西方office的管理概念去營運。Alex理據十足的說：「就係出面靜嘅時候，反而要更進取，令客人更加有信心。公司大咗，亦多咗位置做presentation。」事實證明這步棋沒有行錯，這兩年的生意額穩步上揚，全靠當日夠進取。

住家係以人為本，我覺得可以幫客人建立理想嘅安樂窩，而呢個空間可以令到家庭和睦嘅，好似同做善事冇分別。

提到公司未來發展方向，按Alex的野心性格，筆者還以為他會向大型project進發，沒想到他鍾情做住家裝修。「住家係以人為本，我覺得可以幫客人建立理想嘅安樂窩，而呢個空間可以令到家庭和睦嘅，好似同做善事冇分別。」Alex和Kyle甚至有個共同目標，希望將整個裝修風氣改變，不再予人「呃錢」的先入為主。Alex說：「我哋想令客人有信心，同承諾交畀客人嘅嘢，絕對係付出嘅價錢。我哋宗旨係信心同承諾，公司叫信諾就係咁解。」

Alex和Kyle將於本月27日出席裝修預備班，並分享更多裝修經歷，屆時大家有機會見識到「凹凸師傅」的功架。

裝修如何保障自己? 從揀師傅開始

Alex和Kyle親臨解答裝修疑難

好師傅裝修預備班 │ 5月27日│現已接受報名

好師傅裝修預備班活動詳情： 

• 日期： 2023年5月27日（星期六）
• 時間：上午10 時30分 至 下午1時30分
• 地點： 好師傅工作室 - 筲箕灣耀興道3號東匯廣場12樓 (近筲箕灣A2出口)
• 費用： $100 （每位出席者可獲贈 $100 超市現金券）
• 贈品：$1000 CoCoMall 現金禮券以及神秘優惠（只限出席者）
• 嘉賓講者：Alex & Kyle
• 講題內容：【你問師傅答】
•  
• 名額只限40名，先到先得。
• 報名截止日期：2023年5月24日 
  按此立即報名

想搵Alex & Kyle設計裝修？

在以下表格，簡單輸入聯絡資料和裝修要求，裝修顧問即會聯絡你。記得話我哋知你想搵麥師傅或者Alex：