林師傅│出面好多裝修場亂晒龍，點解？冇好好管理嘛
專訪好師傅│快人快語的羊咩鬚師傅
林師傅（超哥）給筆者第一個印象，就是豪爽、快人快語。相約對方做訪問，只需簡單表明來歷，林師傅便爽快答應，沒半點忸怩。訪問地點在長沙灣一私人屋苑，單位已接近埋尾，林師傅細心檢查每個細節位，確保埋門一腳也要完美無瑕。
脫口罩影相時，才得悉林師傅留有一把鬍子，他笑說這是多年標記，讓人一眼便認得出他。筆者倒覺得這有點兒多此一舉，反正 「老實」兩字早刻在他的臉上。
入行30年，林師傅一直堅守一個原則，就是「一視同仁」，不會因客人是達官貴人就阿諛奉承，反而客人手頭緊張，林師傅會幫得就幫：「有間屋成30年未裝修過，啲傢俬爛晒，點住人呢？我自動幫佢做discount，打個平手都算，唔好蝕就得，始終要出糧嘛。」
我見過太多…好多裝修場亂晒龍，點解？冇好好管理嘛。
林師傅專長是油漆，但其實他更像領導角色，跟隨他的固定班底有十餘人，油漆、水電、木工、泥水、傢俬都有，都是經驗老到的老師傅，團隊夾慣夾熟。林師傅專注協調和調配人手，化解裝修師傅的不必要紛爭，令工程更加順暢。
「我唔會安排泥水同水電同時上場，兩班人會有摩擦㗎，效果亦唔會好。點解我話一個裝修需要3個月？就係想喺工程之中，每一part都盡善盡美。我見過太多，一個月得唔得呀？咩唔得啫，全部師傅質晒埋去，做啲狗屎垃圾囉。好多裝修場亂晒龍，點解？冇好好管理嘛。」做人冇公關唔得掂，做裝修冇管理一樣會出事。
從後備到正選 客人再欽點
林師傅跟筆者分享一件趣事，話說有客人買了荃灣萬景峯一豪宅單位，先後找了幾位裝修師傅報價，林師傅起初沒有中標。後來有天，林師傅收到該客人求救電話，稱原來該單位已停工3個月，裝修師傅「走埋佬」，跪求他執手尾。
「我去到個場，真係拆晒啲嘢，電又做一半，牆又做一半，油漆呢，買一半料又唔做。總之成個場立立亂。最後我哋都接咗嚟做，做咗三、四個月，業主係滿意收貨。後來佢再買全．城匯單位，都繼續搵番我。」
我要諗點幫佢擴大呢？…令空間四四方方，盡量利用每寸空間。
除了管理團隊，林師傅亦會負責畫圖、設計傢俬，甚至為客人思考如何改善間隔，令單位更加實用：「香港人最需要啦，好多單位都要拆嚟改。譬如廁所唔好用，我要諗點幫佢擴大呢？門口改位啦，坐廁點改啦，令空間四四方方，盡量利用每寸空間。」 
能化解人和事的問題 才是真正好師傅
林師傅最近便接了一項工程，其中業主裝修中途改變主意，欲將一幅主牆貼牆紙卻沒有報價，正常要收八千元，最終業主拒絕付款。幾經交涉，最後林師傅想出一道良方，令雙方都有下台階。
「我同佢講錢一定要收，冇可能白做。不如咁啦，捐二千蚊去惜食堂，用你名義又好，起碼叫做咗件好事。」林師傅眼見牆紙也買了，與其棄置在單位「篤眼篤鼻」，倒不如捱義氣做好幅牆，過得人過得自己。「因為我唔想我啲嘢甩甩漏漏咁。」、
因為我唔想我啲嘢甩甩漏漏咁。
林師傅承認最大的弱點是性急，不認識他的人，聽他聲線和語氣，會誤以為他為人粗魯難相處。「我有時候會比較講嘢急少少，語氣都唔好，呢個係事實。我喺WhatsApp聽翻自己把聲，都覺得好似好惡呢！」
能坦承自己的弱點，果然就是豪爽、快人快語。
裝修如何保障自己? 從揀師傅開始
好師傅為你嚴選最可信賴的好師傅。
師傅審查制度為你從源頭把關，每位加盟師傅均要通過29項考核和審查。每年只有7%師傅或設計師，能通過審查成功加盟，因為我們堅持為你嚴選，至可信賴的好師傅。
好師傅為你配對師傅的同時，持續監察師傅的手工質素和背景狀況。除此之外，師傅提供的報價和收費等細節，亦是考慮師傅是否可以信賴的重要一環。
無限次配對機制，讓你揀到啱心水至開工。經審核而成功加盟的裝修師傅／裝修公司／設計公司超過150家，如配對未完全合乎要求，歡迎你配對到啱為止！
「師傅配對及審查制度」只是好師傅「5大保障制度」之一，好師傅的「100%完工保證」，從師傅、價格、 品質、準時及戶主支援等5大保障制度，全方位保障你整個裝修流程，保證你準時入伙。
