專訪好師傅系列│客人交得間屋畀我 就當自己屋企咁做
大家最光輝的時刻是何時？升職加薪？買樓上車？結婚生子？
黃師傅的其中一個光輝時刻，相信你們一生都無辦法做到，就是能觀摩全港首富李家誠的家宅。
「李嘉誠依家瞓緊嗰間房，啲牆紙我黐嘅！」
有這麼一個履歷，筆者很難不追問下去，需知大家都會好奇首富會有甚麼特殊癖好？有甚麼收藏品？有甚麼風水陣？
黃師傅稱，十多年前李家誠的家宅大裝修，找了一間承包商處理，該承包商又再找了一間裝修公司做油漆，專項油漆的黃師傅當時為該公司打工，因緣際會下有機會一登首富的家。
「佢間房其實又唔係真係好大，我諗係幾百呎，好樸素嘅。你見到有好多書，好多江澤民嘅書。啲擺設好整齊，但係好普通，一啲都唔浮誇。」
黃師傅當日雖然未有見過李家誠本尊，但直覺對方為人隨便，不像他身邊的G4護衞、總管麻煩，跟出跟入不特止，每次到訪都會搜身。「因為有G4從頭到尾貼身跟住你做嘢，佢哋好多都好free嘅，就咁坐喺度，因為真係知你嚟做嘢。」
孭鑊孭得多 就知道唔可以再犯
能夠為首富黐牆紙，黃師傅當然有過人之處。14歲輟學後，便跟判頭師傅做學師，主力做油漆，有感自己跟身邊同學的成長背景不同，故特別努力上心，試過連續三十多晚通宵工作也毫無怨言，幾年間他已升格為師傅級。油漆看似手板眼見功夫，但要做到出眾，自然要有心得。
「如果天花同牆身唔同色，咁油完天花，你牆身唔會貼晒成個頂，會跌低少少拉條直線，咁條直線咪就係功夫囉。」
油漆怕見光，一遇到應光的位置，如果有瑕疵就會無所遁形，因此黃師傅每次油油之前，定必先了解整間屋的結構，知道哪裏有射燈位，哪裏有燈槽位，以避免做錯要翻手：
「好老實，因為孭鑊孭得多，你先知道，呢啲一定唔可以再犯。」
客人交得間屋畀我 就當自己屋企咁做
黃師傅在這行日子久了，自覺油漆技藝開始純熟，又認識到不同範疇的師傅，十多年前開始接整單工程來做，逐漸減少打工。他謙稱自己還是學習階段，變學變做，尤當遇到麻煩客人，更加要學識如何溝通。比如說，客人會問為有些角位不夠直，有些牆身不夠平，「唔可能百分百平，所以我哋只會講『做順做好』，唔會講『做平做直』。」
黃師傅最怕遇上不信任他的客人，就算耐性解釋給他們聽，都只覺得你在狡辯，有些客人甚至要求減價，但他通常不會就範，因這是原則問題：「我寧願翻手做，就算唔止嗰個價錢。因我唔想畀個客知道可以咁樣減錢。」
或者是運氣比較好吧，除了首富家宅，當年名噪一時的「唐英年地牢」，原來黃師傅都有份參與興建。見識得多豪宅，令自己都有多些想法，希望能套用在裝修工程上，他說：「客人交得間屋畀我，我就會當係自己屋企咁樣做，自然每樣嘢都唔會馬虎。」
口頭應承了 便一定會做到
每次見客，黃師傅都會先聆聽客人要求，才給予自己的專業意見，他自問是有誠信的師傅，口頭應承了的，便一定會做到。
然而，黃師傅自覺有個缺點，就是性格急躁，每當有客人私訊給他，一般都會在15分鐘內回覆，需知每日他可能接收超過100個訊息，都要他即時處理。
「我個人好急，急到離哂譜。其實一有問題，我接近要即刻處理，如果唔係會忘記。」
亦因如此，黃師傅現在每天工作平均近乎14小時，有時會令他壓力爆煲，幸好有賢內助幫手處理文書，大大減輕他的工作負擔。
最光輝時刻 就是為家人打造舒適的家的時刻
已為人父的黃師傅，這麼拼命工作都是為了家人的未來着想，亦希望他們將來不用捱苦，他說：
「我唔想啲小朋友好似我以前咁，所以要畀多啲資源佢哋。」
也許，黃浩賢最光輝的時刻，應該就是為家人打造舒適的家的時刻。
裝修如何保障自己? 從揀師傅開始
好師傅為你嚴選最可信賴的好師傅。
師傅審查制度為你從源頭把關，每位加盟師傅均要通過29項考核和審查。每年只有7%師傅或設計師，能通過審查成功加盟，因為我們堅持為你嚴選，至可信賴的好師傅。
好師傅為你配對師傅的同時，持續監察師傅的手工質素和背景狀況。除此之外，師傅提供的報價和收費等細節，亦是考慮師傅是否可以信賴的重要一環。
無限次配對機制，讓你揀到啱心水至開工。經審核而成功加盟的裝修師傅／裝修公司／設計公司超過150家，如配對未完全合乎要求，歡迎你配對到啱為止！
「師傅配對及審查制度」只是好師傅「5大保障制度」之一，好師傅的「100%完工保證」，從師傅、價格、 品質、準時及戶主支援等5大保障制度，全方位保障你整個裝修流程，保證你準時入伙。
