岑師傅│視每單工程都是「代表作」
專訪好師傅│ 工程師背景 工程更順暢
這次訪問岑師傅，時間有點倉促，碰巧他手上幾個單位又剛動工，正愁沒合適地方做訪問。直至一星期前，岑師傅以短訊告知，稱有客人願意借出入伙單位作拍攝，才促成美事。
這年頭，能跟客人建立如此互信關係，大抵岑師傅必有過人之處。
見其人後，不出筆者所料，岑師傅個性隨和，時刻掛着親和微笑，極易相處。
「我本身脾氣唔係特別好㗎！以前我會企硬同裝修師傅嘈，始終做生意，一定揸正嚟做。」沒料到此話出自岑師傅口，或者要摸清他的性格，得要從頭說起。
地盤都管得頭頭是道 家居豈不更簡單
岑師傅走進裝修這行，他笑言是「誤打誤撞」。雖說家人本身做泥水判頭，但他大專時讀的是建築，最初在建築公司任工程師，以管理員工為主。後來轉到地盤接觸大型工程，負責消防系統，處理的都是管理工作，跟家居裝修似乎沒多大關係。
直至某天，岑師傅忽發奇想，既然地盤都管理得頭頭是道，家居裝修豈不更為簡單？再想到家人做泥水近四十年，已有相熟班底，在職時又結識到不同範疇的人，不論裝修師傅、工程師、科文都有，於是雄心壯志，決定自己接工程做。
恃熟賣熟 連世叔伯都冇情講
「我哋公司一開始乜嘢都接，但就偏向工程嘅嘢，可能係大廈翻新呀，商舖、寫字樓嗰啲。」 然而，家人最初其實不太支持。「佢哋覺得我份工做開管理，有穩定收入，點解要走出嚟開公司呢？即係覺得風險大。」岑師傅創業頭幾年，的確遇到不少困難，主要來自人事上，因他的班底都是看着他長大的世叔伯，有些更會恃熟賣熟。「你要控制一班人做嘢，邊啲做多，邊啲做少，有時會難做。」猶幸岑師傅管理出身，能知人善任，恩威並施，短時間內清洗不少「淤血」，慢慢建立固定班底。他所指的壞脾氣，就是連世叔伯都冇情講，有錯便當面指責。「你冇得唔絕！如果唔咁狠，就可能要養住一班人。」亦多得岑師傅當年的「大刀闊斧」，優化了整個團隊，員工均能在自己範疇內發揮所長，令公司幾年間便上軌道。
強項是管理好團隊 知道每個工序
筆者訪問過不少裝修師傅，十居其九都是紅褲仔出身，總會精通一兩範疇。岑師傅算是異數，他不諱言自己不懂落手落腳做，因他清楚自己的強項是管理好團隊，令工程變得順暢。雖然不用落場，但不代表不顧員工感受，反之，他認為作為管理層，更應理解每位員工需要：「做管理，除咗管理啲人點樣做之外，仲要知道每個工序要用幾耐時間，知道師傅點樣搵錢。有咩工序係做多咗定做少咗呢？你都應該要知。」
落足心機去做 每單工程都是「代表作」
創業16年，岑師傅視每單工程都是「代表作」，因為都是落足心機去做。他記得有個帝峰．皇殿1600呎單位，客人要求大部份傢俬都是現場做，整個工程便用了六個月時間，分配人手上很考工夫，該單位完工後更登上雜誌。不過岑師傅覺得上雜誌都是其次，令客人滿意才是首要，所以每單工程開始之前，定必跟客人做好溝通。「我哋報價嘅準則，唔可以話特別平，但一定唔會超支，總之有咁多就咁多。」
經驗同技術，好多裝修師傅都有。但有心為客人設想，唔會好多。
岑師傅亦會代入客人角色，會以用家身份去為客人裝修家居，務求令他們在未來二十年都能安枕無憂：「經驗同技術，我諗好多裝修師傅都有。但有咁嘅心為客人設想，我諗唔會好多。」
唉！早知搵第二個師傅好過啦！
不少裝修師傅都喜歡外判工作，以賺取更多金錢，岑師傅可沒興趣朝這方向發展，因他最緊張的，始程是工程的質素，他說：「唔想客人畀完錢，覺得唉早知搵第二個師傅好過啦！」這也解釋為何他能與客人建立信任。
諗方法令自己可以更懶
岑師傅笑言自己最大的缺點，就是懶。他所指的「懶」，當然不是對工程不聞不問的懶，而是不會令自己太過忙碌。「嗰年工作少，我唔會特別去追單。嗰年多嘅，我又唔會話做到自己死，令自己冇晒時間。」懶的個性當然會對事業構成影響，但他又會想辦法優化工作模式，譬如鼓勵年輕師傅接觸新工具，向老一輩師傅灌輸新思維等等，既能降低成本，又能增加工作效率。「就係因為懶，所以你要諗方法令自己可以更懶！」
岑師傅月底將出席座談會，分享一些裝修經驗。筆者問他為何會爽快答應，豈不是有違他「懶」的個性？岑師傅答得夠誠實：「所以我冇特別準備㗎！做返我平時就得啦！」
睇片：
裝修如何保障自己? 從揀師傅開始
岑師傅親臨解答裝修疑難
好師傅裝修預備班 │ 4月29日│現已接受報名
好師傅裝修預備班活動詳情：
- 日期： 2023年4月29日（星期六）
- 時間：上午10 時30分 至 下午1時 30分
- 地點： 好師傅工作室 - 筲箕灣耀興道3號東匯廣場12樓 (近筲箕灣A2出口)
- 費用： $100 （每位出席者可獲贈 $100 超市現金券）
- 贈品：$1000 CoCoMall 現金禮券以及神秘優惠（只限出席者）
- 嘉賓講者：岑師傅
- 講題內容：【你問師傅答】
- 名額只限40名，先到先得。
- 報名截止日期：2023年4月26日
按此立即報名 
