裝修術語看似高深,實際上竟然是如此簡單?(四)

裝修跟愛情一樣,成功與否在乎緊密的溝通。唔知有否想過其實裝修術語竟然是如此簡單?好師傅每月圖文並荗,為您整合裝修術語!


 

1. 隔氣

就算係女神放屁都隔一隔開佢啦,何況鋅盤下面既臭渠味~ 師傅仔我今日就同大家講解下「隔氣」依個術語啦!

「隔氣」係一個裝修物料術語,意指鋅盆或洗臉盆下面嘅 U 型組件,以阻隔及過濾沖進盆入面嘅物件。


 

2. 戴帽

其實師傅仔好想講解今日依個裝修術語好耐,不過一路都覺得依個術語對我地班麻甩佬黎講係好敏感既字眼。不如咁,大家畀個面用一分鐘好好好好好認真咁了解「戴帽」依個裝修術語得唔得~

「戴帽」係一個裝修工序術語,師傅一般會講話「戴幾多寸帽」,即係指板凸左幾多寸出嚟;而面板可採用不同嘅材料而成,如雲石等等。


 

3. 車磨

如果大家年紀同師傅仔我一樣有返咁上下,應該有睇過《油脂 (Grease) 》依套經典歌舞電影吧?套戲最後男女主角咪坐住架車飛左上天既,咁多年我都覺得依一幕好畸呢,所以每次見到汽車嘅 icon 公仔都會諗起套戲,不過今日借架車係用來講解「車磨」依個裝修術語嘅~

「車磨」係一個裝修工序術語,用小型打磨機將地板磨平。


 

4. 氣鼓

唔好咁緊張,我地個「好師傅」專頁唔係突然轉型變做音樂台,而係依個裝修術咁岩同音樂有關架姐~ 成日聽師傅話暗氣鼓、門氣鼓咁樣,究竟「氣鼓」係乜東東黎架呢?

「氣鼓」係一個物料術語,為大門房門嘅配件之一,以連接門及牆身,令門自動掩上~

返回媒體庫

更多相關文章

裝修優惠