教你 4 招如何避免墮入裝修陷阱 (第 4 招)

裝修工程中,水電工程係其中最賺錢嘅項目。裝修公司為舊屋翻新報價時,會提議屋主客人做一些水電翻新工程;就算係新建成嘅單位,裝修公司亦有可能建議你為日後作打算,先安裝例如睡房電視線位等工程,避免裝修好後再加舖線路增加麻煩。

慬重考慮各種裝修建議,切忌單憑三言兩語嘅解釋就簽下對你未必有用嘅工程。

師傅仔提提大家,其實水電係咪需要翻新呢,其實就有一套專業標準嘅~ 中華電力有限公司幾年前就推出左一個名為家居電力檢查嘅服務,為所有唔太了解家中供電系統嘅戶主而設立。佢地建議但凡樓齡超過 15 年、或上手住戶曾自行更改線路、或戶主難以判斷電線會否經已老化,而容易引起短路或漏電、甚至電箱曾跳掣或「燒灰士」嘅戶主,都應該進行家居電力檢查,由認可專業人仕檢測電力裝置及線路。

大家可以考慮先搵獨立於裝修公司嘅水電檢測專業人員檢查單位有什麼水電翻新或鋪線嘅需要,再決定是否將水電工程計入你嘅裝修清單內,做一個精明嘅消費者啦~

___

(Photo via Paul Kitchener, CC License)

返回媒體庫

更多相關文章

裝修優惠