家居格局變法,由「破」「立」間牆入手!

住屋嘅需求會隨著家中人口變動及需要而改變,例如結婚、有BB出世、或者小朋友長大等等,都可能係大家重新裝修翻新家居嘅原因。而改裝翻新家居最常見嘅煩惱,就係要突破舊有格局及單位本來嘅尺數大小限制,既要滿足收納的要求,又不致於壓迫。

師傅仔提提你,拆掉舊有牆身係改動間隔最常見嘅方法,不過舊牆身打爆左又唔一定要新間一幅嘅新磚牆。或者你可以考慮運用「一破一立」嘅想法,以「頂天立地」到頂儲物櫃枇取代牆身,除有規範空間之效,還可以有效地建立收納空間,一舉兩得~

另外,一般嘅磚牆連牆身裝飾物料,厚度可達四吋至半呎,因此本身已佔用了不少空間。如想盡用空間,以「頂天立地」到頂儲物櫃來做間隔,寬大嘅櫃子可用來放置一些大型家具,如抽濕機、暖爐等就再好不過。如大家會常時變動家中間格的話,一些可靈活左右移動位置嘅大櫃設計,可讓大家隨日子或心情移動,使家居格局變出不同嘅可能性~

裝修師傅建議你一個不一樣嘅間格方法:把浴室磚牆換成玻璃牆。在厚度上強化玻璃牆就只有兩吋左右,節省嘅空間也不少,而且玻璃牆身能有效大幅延身空間嘅對流感。要保留私隱時,可放下簾子,又或配以先進科技,安裝通電變色嘅強化玻璃,一按下按扭,便能馬上改變牆身顏色,既新潮又方便吧!

___

(Photo via ooh_food, CC License)

返回媒體庫

更多相關文章

裝修優惠